Aizawl: Millennium Centre Dawrkai Association (MCDA) chuan an member-te’n eizawnna bera an hman, grape wine leh Mizoram thar chhuah wine dang an man chu pawi an tih thu an sawi a. An mansak zawng zawngte pe let vek turin Mizoram sorkar an ngen.
Nimina an thuchhuahah MCDA chuan Mizoram sorkar leh grape chingtuten inhriatthiamna kara thlamuang taka an eizawnna an kalpui laia an mansak vek chu pawi an tih thu sawiin, “Kan member-ten eizawnna bera an hman mansak vek an nih takah chuan kan sorkar hian chem loin an lu an laksak a ni ngawt a. An mangang tak zet a ni,” an ti.
Mizoram sorkarin Millennium Centre-a grape wine leh wine dang zawrhte a man chu pe let leh se; an pe let lo a nih pawhin an mansak ang hu tal zangnadawmna angin chhawmdawlna pe ngei tih tih hi an duh a ni tih an sawi a. Mizoram thar chhuah hi sorkarin zawrh a phal dawn lo a nih chuan an hralh zawh hma chu nghakin emaw, hun tiam an siamsak ngei turah an ngai tih an sawi bawk.
Millennium Centre-a grape wine zuarte atang hian sorkar duh loh leh phal loh, zu man tel a nih loh thu an tar lang bawk a ni.