Sports Minister Robert Romawia Royte leh Serlui bialtu MLA Lalrinsanga Ralte ten nimin khan Vairengtea Synthetic football ground leh Futsal ground siamna tur hmun an tlawh.
Sports minister chuan Chief Minister Zoramthanga leh Serlui bialtu MLA Lalrinsanga Ralte te thahnemngaih zarah Vairengte leh Bilkhawthlir-in infiamna hmunhma thar central sorkar tanpuinain an nei dawn nia sawiin, lawmawm a tih thu a sawi a. Vairengte Joint YMA-in Football ground-a phullem phah an remti chu a finthlak mai ni lovin Vairengte leh a chhehvel hmangaihna vang niin a sawi.
Tourism Minister ni bawk Robert Romawia Royte chuan Serlui B Tuikhuah behchhanin Tourism circuit pui tham tak Ministry of Tourism sum hmanga siam a nih theih nan DPR siam mek a nih thu a sawi bawk