Union Cabinet Minister of Fisheries, Animal Husbandry & Dairying Parshottam Khondabhai Rupala-a’n Mizoram tan Vawk pul hri, African Swine Fever (ASF) danna (vaccine) a ngaihvensak tur thu a sawi.
Inrinni khan Mizoram tlawha lo zin, Union Cabinet Minister Rupala chu Taxation department Auditorium-ah AH & Vety Minister Dr. K. Beichhua leh Fisheries Minister K. Lalrinliana ten lo dawngsawngin, Lok Sabha MP C. Lalrosanga leh Rajya Sabha MP K. Vanlalvena ten an \awiawm a. Mizoramin ASF avanga harsatna a tawh te sutkian nan AH&Vety College, Selesih-in laboratory \ha a mamawh thu sawiin, laboratory \ha neih theihna turin sorkar laipuiah proposal thehlut turin a ti a, ASF hri danna pawh ram pawn a\anga a ngaihvensak tur thu a sawi.
India sorkar chu miretheite tan a thawk a, mi retheite chawikan nan scheme hrang hrang siamin, cheng nuai 5 thleng dawn theihna scheme pawh India sorkar chuan a siam tih union minister chuan a sawi bawk.
AH&Vety department-in ASF leng vanga Mizorama Vawk vulhtu tam takin harsatna an tawh dan te, National Animal Disease Control Programme, Kissan Credit Card leh National Livestock Programme hnuaia hmalakna te leh a dangte an sawi a. Fisheries Department pawhin Blue Revolution Scheme, PMMSY leh scheme dangte a\anga fish farmer ten hlawhtlinna an neih dan te an sawi bawk a ni