Union Cabinet Minister Parshottam Rupala chuan Inrinni khan BJP Mizoram State party pisa tlawhin, an party mite nen an inkawm a. Mizoram BJP-te chu Mizoram hmasawn nan nasa lehzuala hnathawk turin a chah.
Union Minister Rupala chuan miretheite chhawr theih tura PM scheme a chhawpchhuah avangte, economic lama a hmalakna avangte leh intodelh tura a hnathawh te, ram dang nena inkungkaihna tha a siam avangtein khawvelin Prime Minister Modi-a hnathawh nasa takin a hriat phah tih a sawi.
Union minister chuan Mizoram BJP-te nasa leh zuala Mizoram hmasawnna tur atan hna thawk tura chahin, “Mizoramin kawng hrang hranga hmasawnna duhawm tak kan neih theihna turin in pawimawh hle a; kum 2023 MLA General Election lo awm turah mipui ten BJP ah hmathlir êng an hmuh theih nan BJP hmalakna leh hnathawh te, BJP sorkarna state-ah hmasawnna a nasatzia Mizoram mipui ten an hmuha an hriat theih nan Mizoram tan mit leh beng lo ni zel turin ka ngen che u a ni,” a ti bawk.