Land revenue & settlement minister Lalruatkima hovin a kaihhnawih mipawimawh ten nimin khan -the draft Mizoram underground pipeline (acquisition of right of use in land) act, 2022- an thlirho.
Sorkar thuchhuahin a tarlan danin, he dan siam tur hi sorkar laipuiin kalpui a tum – Indradhanush Gas grid limited kaltlanga tui kal dan tur te, Gas kalna turte, tui chhe kalna tur leh thil siamna hmun hrang hrang atanga bawlhhlawh kal dan tur leh chumi atana pipeline siam dan tur, mimal ram emaw sorkarin a lak (acquired) dan chungchang ruahmanna a ni a. Mizoram sorkar pawhin Indradhanush Gas grid hi hlawhtling taka kalpui a nih theih nan dan mumal tak nei turin hma a la mek a ni.
He dan siam turah hian electric line leh communication signal line te pawh leihnuaiah pipeline-a kal tir na tura ram ruahman dan tur chungchang pawh a tel a. He danin a tum ber chu heng pipeline kaltir a nih dawna mimal ram lak a ngai a nih pawha ram pumpuia mimal ram laksak ngawt lo deuha, pipeline kalna tur bik mimal ram hman tura ruahman a ni tih sorkar thuchhuah chuan a tarlang.
Revenue Minister hova thukhawm hian the draft Mizoram underground pipeline (acquisition of right of use in land), act, 2022 a siamthat leh belh ngai te an sawiho a ni.