Kum kaltaa YMA hminga thisen pe tam ber (unit 171) Chanmari West branch, Aizawl-in Inrinni khan YMA Day denchhenin Civil Hospital, Aizawl-in a tula a hman atan thisen unit 127 an pe a, thisen petu mipa 110 leh hmeichhia 17 an ni.
KTP, Zemabawk North bial pawhin Inrinni vek khan Synod Hospital, Durtlang-in a tula a hman atan thisen unit 64 an pe a, thisen petute mipa 59 leh hmeichhia 5 an ni.
Inrinni vek khan KTP, Bilkhawthlir Hmar Veng bialin Kolasib District Hospital-in a tula a hman turin thisen unit 64 an pe a, thisen petu mipa 46 leh hmeichhia 18 an ni.
TKP, Zion unit member mipa 14 leh hmeichhe 6-in Inrinni vek khan Lawngtlai District Hospital-in a tula a hman turin thisen unit 20 an pe bawk.