India sorkar chuan Pathianni khan Sena MLA hel zinga 15-te chu venhimna khauh lehzual, ‘Y plus’ security a pe a, hei hi Sena worker thenkhatin an pisa leh an thil neihte an suasam nia sawi a awm vang a ni.
Venhimna khauh zawk pek zingah hian hel lam hruaitu ber, Shinde-a erawh a tel ve rih lo thung.
‘Y’ category security an tihah hian vengtu mi pariat pek thin an ni a, hetah hian commando pahnih leh police an tel.
Central Reserve Police Force (CRPF) chu Dadar MLA Sada Sarvankar-a’n Shinde-a zawma Guwahati a pan hnuah a chenna in leh a pisaah dah an ni.
Uddhav Thackeray-a tantute chuan MLA hel mekte hi ‘phatsantu’ tiin an sawi a. “Shiv sainik an ni lo va, Shiv Prasad tiin kan sawi dawn,” an ti.
Shinde-a hnena awm MLA-te hi Thane, Dombivli, Kalyan leh Ulhasnagar-a an pisa theuh chu police venhimna pek an ni tawh bawk.
MLA hel 16, Uddhav Thackeray-a’n kar hmasa tir lama thutkhawm a kohva tel lote chu Inrinni khan an nihna hlihsak tura thlen an ni.
Shinde-a hote hian ni sarih chhung insawi fiahna hun pe turin Pathianni khan an dil ve bawk.