Philippines ram lailia mi 165 zet phur lawng a kang a, chhanchhuah hna thawktuten mi 165 chu an chhanchhuak hman.
Philippine Coast Guard chuan Mama Mary-Chloe hi Bohol leh Leyte thliarkar inkara kal thin niin an sawi.
An Facebook page-a an tar lan dan chuan an chhanchhuahte hi Hilongos, Leyte thliarkarah an dah a. Passenger 157 leh thawktu pariatte hi Ubay, Bohol thliarkar atanga zin chhuak a ni.
Report thenkhatah chuan lawng a kan tan hian naupang thenkhat chu tuiah an zuang chhuak hlawm niin an sawi.
YouTube-a video dahah chuan lawng atang hian meikhu chhah tak a chhuak a, a bul vel tuiah mi eng emaw zat an awm bawk tih a lang.