Mizoramah AAP engtin zel nge ni ang?
Mizoramah Aam Aadmi Party (AAP) in zung an kaihnghet zel niin an insawi a, nakkum MLA inthlan pawh chuh ngei an tum thu an sawi ve ta hial mai. Engtinnge tha an thawh chhoh ang a, engtia hmasawn zawnga ke pen nge an tum ang tih hriat ni lo mah se, an phur tlang hle niin a lang a, Mizoram politics nghawrnghing thamin an khawsa ang em tih erawh hunin a la hril turah ngaihsak phawt ang.
Kan hriat angin hun hmasa lamah Nationalist party tha tak tak, ram laili lama hmingtha tak takte pawh a lo ding tawh thin a, mah se beisei an pha zui thin lo hle. INC leh BJP te hi a daihrei chu an ni deuh mai a, Mizoram politics hmel han thlak hlawk thei tur an awm lem thin lo hle.
AAP pawh hi Delhi leh Punjab lamah chuan an che tha chho viau a, an hmalakna fakawm tak tak pawh kan hre chamchi bawk. Kan rama ding ve tur hian engtinnge kan dawnsawn ang a, mipui lam hian kan duh rawn ve kher ang em tih hi ngaihtuah zui ngai tak chu a ni.
Engpawhnise, political party tha leh hnathawk tha hi chu ding zel mai se la, zui tlak leh zui chakawm zawnga an hruaitute erawh an awm fo a tha awm e. Chutih a nih loh chuan media an hmachhawn lai chauh hi an ropui leh an invawrh ve lai a ni mai tih a hlauhawm hle. Hnathawh tha leh thiltih tha nei tham turin tan han la hlawm se la, party nghet ding sa tawhte hnawk tih tham tala an khawsak thiam pawh a tul awm e.