AZL: Foundation for Drug Free Mizoramin Inrinni tuk khan Aizawlah ruihhlo do kawngzawh an huaihawt a. Vanapa Hall tual atanga MJA President C Lalrambuatsaiha’n a vailiam hnuah ruihhlo that lohzia tar lanna thuziak hrang hrang kengin Millennium Centre thleng kawng an zawh.
MJA president chuan, “Hmelma ngawichawi ruihhlo leh zuin Mizoram a rûn mek,” tiin, thalai tam tak a hneh tawh thu leh chhungkaw tam tak luhchilha a tihbuai mek thu leh a la luhchilh lohte pawh a hnaih hle reng thu a sawi a. Foundation for Drug Free Mizoramin ruihhlo do kawngzawh an buatsaih chuan awmzia a neih ngei a beisei thu a sawi.
Ram ropui leh hmasawn ni turin thalaiten hna an thawh a ngai tih sawiin, “Hna thawk hleithei lova min siamtu ruihhlo hi nasa taka kan do a ngai,” a ti a. “Nasa taka kan do loh chuan nakin lawkah thalai hmantlak loh kan nei teuh dawn a, chhungkuain, khawtlangin, ramin nasa takin a tuar dawn a ni,” a ti bawk.