Premier League kaithar Nottingham Forest chuan Nigeria forward Taiwo Awoniyi chu an club chanchin a player manto ber ni turin Union Berlin atangin an lalut.
Kum 24 mi hian Forest hnenah hian kum nga contract a ziak a, a manah Pound maktaduai 17 an seng.
Season liamta khan Awoniyi hian inelna hrang hrangah Union Berlin tan vawi 43 inkhelin goal 20 a khung a. Forest in Premier League khel tura an kaisan hnua player an lakluh hmasak ber a ni.
“Premier League a inkhelh hi ka duhthusam a ni reng thin. Steve Cooper nen kan inbiak hnuah an thil kalpui tumte ka hmelhriat a, Forest chanchin ropui takte ka hriat hnuah he club zawm hi ka thlang.” a ti.
Awoniyi hi England-ah mikhual a ni lova, kum 2015 khan Liverpool zawmin professional football a khel tan a, senior team tan erawh vawikhatmah a inlan lo.