Modi-a hi ni hnih chamin, June 26-27 chhunga Germany-a G7 summit neih tura tela turin a zin mek.
“G7 ramte nen thil hrang hrang kan sawiho dawn a, G7-a kan thawhpui leh pawl dang telte pawh thil hrang hrang - khualrel, energy, sik leh sa, ei leh in thil, hriselna, firfiaka chetna beihna, hmeichhia leh mipa intluktlanna leh mipui rorelna ka sawipui dawn a. G7-a tel leh ram dang chhimtu hruaitute pawh summit karah biak an ni ang,” tiin prime minister hian thu a chhuahah a tar lang.
External affairs ministry-in thu a chhuahah pawh Modi-a hian G7 ram hruaitu thenkhatte a kawm dawn thu an tar lang bawk.
G7 ram ni ve si lova summit chhim tura sawm a nih chhan hi a thlengtu, Germany nena tun hma atang tawha an lo inthian thatna vang a ni.
Summit-a a tel hnuah hian prime minister hian June 28-ah United Arab Emirates (UAE) a tlawh chhunzawm leh ang.