A zawna vawi li na atana champion tum Novak Djokovic chuan a chetthatna thin hmunah tan ni ah hnehna a chang nghal a. Wimbledon first round-ah South Korean mi Kwon Soon-woo chu set li inkhelah a hneh.
SW19 a mipa champion lai hian Centre Court a inkhelah hnehna chang turin a beisei anga awlsamin hun a hmang lova, mahse a vawi sarihna atana champion turin ke a pen.
A khingpui world number 81 lakah hian 6-3 3-6 6-3 6-4 in hnehna a chang a. Wimbledon-ah a zawnin match 22 hnehna a channa a ni a. Hei chauh hi ni lovin tennis chanchin a Grand Slam tournament pali a vawi 80 chak tling thei hmasa ber a ni.
“Ka sawi fo thin tawh angin he court hi ka tan a hlu a, ka naupanlai atanga ka suangtuahna te awmna hmun a ni a. Centre Court a ka inkhel leh thei hi ka lawm hle.”
“He infiamna hian ka neih zawng zawng hi min pe a, he infiamna avang hian mawhphurhna ka nei a, ka thinlung luahtu a nih angin ka theihtawp ka chhuah zel dawn.” a ti.Hmeichhe lam
Hmeichhe lamah world number two Ons Jabeur chuan harsatna nei lovin second round a lut a, Swedish qualifier Mirjam Bjorklund chu straight set in a hneh.
Tunisian mi seeded number 3 hauhtu hian 6-1 6-3 in hnehna a chang a, Wimbledon inbuatsaihna Eastbourne International-ah hliam avangin inhnukdawk mahse harsatna a nei lo.