Manchester City captain hlui Fernandinho chu professional football a a club hmasa berah a kir a, Athletico Paranaense a zawm.
Kum 37 mi Brazil international hlui hian club hrang hrang atangin sawmna dawng mahse Athletico kawr hak leh ngei a duh avangin club dang a hnawl tih a sawi.
Fernandinho hian tun season zawh khan kum kua a lo inkhelh tawhna City a chhuahsan a. Premier League title vawi 5 chawi tawh hian kum 17 kalta khan Shakhtar Donetsk panin Athletico hi a chhuahsan.
“Brazil leh ram dang atangin sawmna a tam a, mahse Athletico a theihtawp chhuah leh tura kir hi ka tana thutlukna tha ber a ni tih kan hria.” tiin a insawnna chungchang a sawi.
Athletico hi Brazilian coach lar Luiz Felipe Scolari chuan a enkawl mek.