Tottenham chuan Brazil forward Richarlison, 25, leh English winger Anthony Gordon, 21, te chu Everton atangin a rualin lakluh an duh. Chelsea pawhin Richarlison hi an la ngaihven uluk. (Sky Sports)
Everton hian kum 2025 thleng an hnena contract nei Gordon hi Richarlison chhuahna tura inremnaah a tel an phal lo. (Liverpool Echo)
Spurs hi Barcelona leh France defender Clement Lenglet lalut tura hming ri ring ber an ni bawk a, kum 27 mi hi AS Roma pawhin an duh. (London Evening Standard)
England midfielder Jude Bellingham, 18, chu nakkum nipui a Real Madrid in lakluh an tum ber a ni dawn a, mahse Spanish club hian Chelsea leh Liverpool te an el a ngai ang. (AS)
Chelsea chuan England forward Raheem Sterling, 27, chungchanga inbiakna an neihpui hnuah Manchester City atangin Netherlands defender Nathan Ake, 27, pawh an duh. (Telegraph)
Liverpool leh Egypt forward Mohamed Salah, 30, chuan 2022-23 season a contract a hman zawh hnuah club a chhuahsan a rinawm sawt hle a, kum 2017 a a zawm club tan vawi 254 inkhelin goal 156 a khung tawh. (Mirror)
Arsenal chuan Ajax defender Lisandro Martinez lalut turin Pound maktaduai 35 an thehlut a, kum 24 mi Argentina international lalut tur hian Manchester United tlan khalh an tum. (Mirror)
Manchester United chuan Netherlands midfielder Frenkie de Jong, 25, leh Denmark midfielder Christian Eriksen, 30, te lakluh fel thuai an beisei a, a hnuah Ajax a khel Brazilian Antony, 22, chu an bitum ber a ni leh ang. (Times)
Serie A champion AC Milan chuan Chelsea atangin Moroccan winger Hakim Ziyech, 29 lakluh theih dan an ngaihtuah. (Calciomercato)
Bayern Munich, Chelsea leh PSG te ngaihven France forward Ousmane Dembele chu Barcelona in contract lian zawk an zawrh dawn lo. (Marca)