Kumhnih liamtaa intihhmingchhiat thubuai siamsak tawh Kangana Ranaut chu July 4 hian court-a inlan tura hriattir a ni.
India rama hlaphuahthiam lar tak Javed Akhtar chuan TV kaltlanga Kangana-i’n a chungchang a sawi chu intihhmingchhiatna leh intihmualphonaah ngaiin, November 2020 khan court-ah thubuai a lo siamsak tawh.
Hemi chungchanga court hriattirna hi Kangana Ranaut-i legal team te chuan chhangin, a hun takah inlan ngei an tum thu leh alak thubuai siamsak a nih dan dik lo leh fel lo tak hi chhanlet ngei an tum tih an sawi.
Javed Akhter hian TV interview pakhata Kangana-i’n a chungchang a sawichhuah dan chu pawmzam emaw enliam theih a ni lova, intihhmualphona dik takah a ngaih thu a sawi.
Actress Kangana Ranaut hi hmeichhe huaisen tak, a rilru-a awm ang ang huai taka sawichhuah phawng phawng thin a ni a, faktu leh tantu karah hawtu leh eilotu pawh a ngai th in hle a ni.
Bollywood chhungkaw boruak tawpzia a sawi leh tarlan phei kha chuan umzui a hlawh a, thudik nia a hriatah a tlanchhe ngai lo.