South Africa president hlui, Jacob Zuma chu an rama court sang ber chuan thla 15 chhung lung tan turin a hrem.
Ni nga liam ta khan police hnenah a lo inpe tawh a, police minister-in man tura thupek a tihchhuah hmain a inpe a ni.
Constitutional Court chuan president a nih laia ei ruk thubuai ngaihtuahnaah inlan tura a tihna pawisa lo leh zah lo taka a awm avangin thiam loh a chantir a ni.
Zuma hi kum 2018 thleng president a ni a, a hun chhung hian thil eng eng emawah puhna a dawng nasa hle.
Sumdawng lian tak takte pawh politician lawkte nen thawkhova thutlukna siamna kawngah an hmin thin nia sawi a awm.
President hi thubuai ngaihtuahnaah hian vawi khat chu a inlan ngei a; mahse, a hnu lamah a inlan zui tha duh tawh miah lo a ni.
A chhuitu, Justice Raymond Zondo-a kaihhruai chuan Constitutional Court hnenah hian a lakah hremna lek turin a thlen a ni.
Chief Justice tang lai, Sisi Khampepe chuan hremna pek chu a tih turah a ngai a. Zuma hi insawi fiah turin court-ah a kal tha duh miah lo va, hremna pek a nih tak thu a sawi a. Dan hmanga rorelna chu tu chungah pawh angkhata kalpui tur a nih angin, president hlui chungah meuh pawh lek a ni ta hian mi tam takin dan thiltihtheihna an hriat phah a beisei thu a sawi.
President hlui hi court-a a thuremna an puannaah hian a inlan lo va, a hma erawh chuan a lakah politics thila thil phiar a awm vanga hetiang tawng hi niin a insawi.
Zuma hi kum 50 vel liam tawhah khan South Africa tana a beihna kawngah tan inah a lo tang tawh a, kha kha politics-a a ropui bul tanna pawh a ni.
Hetih lai hian thla hmasa lawk pawh khan kum 1990 chhova ralthuam leina vela $ tluklehdingawn nga vel ei rukna thubuaiah erawh Zuma hi chhuah zalen a lo ni tawh.