Assam chuan national park an neih belh dawn a, state forest department chuan sq. km 422-a zau Ripu reserve forest chu national park atan siam an tum.
Forest Minister Parimal Suklabaidya chuan park thar tura ruahman, Raimona National Park siamna tura tulte an buaipui mek zel tih Inrinni khan a sawi a, an puitling chuan an state-a a parukna a ni ang.
Suklabaidya hian Manas National Park-ah park thar tur map hi a tlangzarh nghal bawk.
“Assam-a khuarel thil humhimna tura hmalakna chuan hma a sawn zel a, Assam-a National Park parukna tur, ‘Raimona National Park’ chu Mathanguri, Manas National Park-ah a map tlangzarh a ni,” tiin Suklabaidya hian Twitter-ah a tar lang.
Assam-ah hian national park panga – Kaziranga National Park, Manas National Park, Nameri National Park, Dibru-Saikhowa National Park leh Orang National Park a awm sa.
Ripu reserve forest hi Manas national park huam chhunga awm niin Bhutan nena inrina laiah a ni a. Chirang reserve forest nen pawh inhnaih niin hei hi rannung mang tep, Golden Langur awm tamna hmun a ni.