Aizawl: Ram chhung hmun dang rualin nimin khan Mizoramah National Statistics Day vawi 16-na pualin hun hman a ni.
Directorate of Economics & Statistics Department Conference Hall-a National Statistic Day puala inkhawm tawi buatsaih hi Deputy Director B Vanlalruati’n a kaihruai a, Assistant Director Lalhmangaihsangi Ralte-in technical report a pe a. Director B Lalrinhlua’n statistic pawimawhna sawiin data an khawihte chu chiang fek fawk tur a ni tiin, thawktute pawh statistician an nih hre thar turin a chah.
Kumina National Statistic Day thupui chu ‘Data for sustainable development’ tih niin, helam hawi video clip thlirho a ni a. Ministry of Statistics & Programme Implementation-in he ni puala programme a buatsaih chu biakhmuhtheihna hmangin an chhim bawk a ni.