US zaithiam lar R. Kelly chu a larna hmatheha mipat hmeichhiatna hmanga naupang leh hmeichhiate khawih nawmnah thubuaiah kum 30 Jail bang zut tura hrem a ni ta.
R&B artist hi nikum September khan New York-ah sex trafficking case thubuai lian tak awrhtir a lo ni tawh. Kum 994 khan zaithiam tho Aaliyah chu kum 15 chauh a nih laiin nupuiah a nei a, paper-ah kum 18 tiin an phuah chawp tih hriat a ni bawk. R Kelly hi a lar phat atnag khan sawi neuh neuh a kai rang viau a, mipat hmeichhiatna thil ah kut sil hlei thei lovin thubuai hrang hrangin a umzui nghal nasa hle.
Kum 55 mi hian kum tam tak chhung heti anga puhna leh khinna hi a lo hmachhawn tawh a, hremna pek chungchangah Kelly-a ukil Robert Sylvester Kelly chuan court sang zawkah appeal a tum tih a sawi.
Hremna thu puan anih hma khan Kelly laka lungawi lo leh hmachhawn ngei tum hmeichhia an thahnem hman hle. Social media-ah an chunga thil thleng leh tihhnawmnah an nih dan te an auchhuahpui a, Kelly hian hmeichhe thahnem tak pawi a lo khawih nual tawh niin, an tarlang hlawm.
Court-in hremna thu a puan lai leh Jail bang zut tura nawr liam a nih chhung zawng hian ‘I Believe I Can Fly’ hla lar tak satu hi a ngawi reng a, thu chhakchhuah pakhatmah a nei lo.