Khawvela ennawm ropui ber an tih hial chu ‘Fifa World Cup’ a ni a. Fifa World Cup hi kumin kum tawp lam November ni 21-ah khelh tan a ni dawn a, World Cup 2022 thlengtu chu Qatar a ni. Qatar World Cup hi World Cup-a ram 32 te an inelna hnuhnung ber tur a ni dawn a, World Cup 2026-ah chuan ram 48 an inel tawh thung ang. World Cup 2026 hi ram pathum; USA, Mexico leh Canada in an inthlen tawm dawn a, Fifa chuan tun hnai khan World Cup nghahna tur khelmual an thlante an puangzar.
World Cup 2026 hi khawpui 16-ah nghah a ni dawn a, USA khawpui 11-ah nghah a ni ang a, USA khelhna turte hi Atlanta, Boston, Dallas, Houston, Kansas City, Los Angeles, Miami, New York/New Jersey, Philadelphia, San Francisco leh Seattle te an ni ang a. Canada khawpui pahnih; Toronto leh Vancouver-ahte nghah an nih bakah Mexico khawpui pathum; Guadalajara, Mexico City leh Monterrey-ah nghah a ni dawn bawk.
World Cup 2026 hi North America khawmualin kum 32 hnua World Cup a thlen hmasak ber tur a ni a. North America in World Cup a thlen vawilina tur a ni chiah bawk. North America khawmualah World Cup khelh tawh pathumah South America khawmual a mite an la champion vek a, kum 2026 World Cup pawh hi South America khawmualte tan kum tha a ni leh lo ang tih a sawi theih loh. Kum 1994-ah USA in World Cup a thlen tum khan Brazil an champion a, kum 1970-ah Mexico in a thlen tum khan Brazil tho an champion a, kum 1986 khan Argentina an champion ve thung. USA leh Mexico ten World Cup an lo thleng tawh a, Canada erawh chu an vawikhat thlenna tur a ni ve thung.
World Cup 2026 khelhna turte:
Atlanta – Mercedes Benz stadium
Boston – Gilette Stadium
Dallas – AT&T Stadium
Guadalajara – Estadio Jalisco
Houston – NRG Stadium
Kansas City – Arrowhead Stadium
Los Angeles – SoFi Stadium
Mexico City – Estadio Azteca
Miami – Hard Rock Stadium
Monterrey – Estadio BBVA
New York / New Jersey – MetLife Stadium
Philadelphia – Lincoln Financial Field
San Francisco Bay Area – Levi’s Stadium
Seattle – Lumen Field
Toronto – BMO Field
Vancouver – BC Place