Aizawl : Civil Hospital, Lunglei-ah thla liamta May thla chhung khan naupiang mipa 31 leh hmeichhia 36 an vaiin 67 an awm a. Hemi hun chhung vek hian Civil Hospital, Lunglei-ah mitthi 14 an awm.
Kumin May thla chhung khan Civil Hospital, Lunglei-a OPD & casualty-a damlo en 8294 niin, May thla chhung vek hian damlo 518 admit an ni.
Thla liamta chhung khan Civil Hospital, Lunglei-ah hian zaipui (major operation) 116 awmin, zai tenau (minor operation) 199 an awm a. Laboratory lama enfiah 10292 awmin, X-ray hmanga enfiah 411 an awm.
Ultrasound-a enfiah 143 an awm a, Endoscopy a enfiah 37, CT Scan a enfiah 151 leh ECG a enfiah 141 awmin, Dialysis hmanga enkawl 134 leh Chemotherapy hmanga enkawl 21 an awm bawk.
Kumin May thla chhung khan Civil Hospital, Lunglei-in a tula a hman tura a thlawna thisen pek unit 298 a awm a. Hemi hun chhung vek hian damlo thisen mamawh te tan thisen unit 357 an hmang bawk a ni.