Manchester City chuan an first choice goalkeeper Ederson-a thachhangdawltu turin German goalkeeper Stefan Ortega chu free transfer in an lalut.
Kum 29 mi hian tun nipuiah Bundesliga atanga tla thla Arminia Bielefeld a chhuahsan a, Premier League champion hnenah hian kum thum contract a ziak.
Manchester City-ah hian an second choice goalkeeper Zack Steffen chuan kuminah Qatar World Cup-ah United States men’s national team tana first choice a nih theihna turin inkhelh tam zawk nan chhuah a duh a, hei vang hian City in goalkeeper thar an zawng.
Kum 27 mi Steffen hian Championship club Middlesbrough chu loan in season tluan atan a zawm fel hnai tawh thung a. USMNT-ah hian Arsenal goalkeeper thar Matt Turner nen first choice nih an inchuh dawn a, coach Gregg Berhalter chuan a first choice tur a la tichiang lo.
German goalkeeper Ortega hi Euro 2020 squad-ah khan standby a dah a ni a, Pep Guardiola in goalkeeper ball pet thiam a duh thin angin ani pawh hi sweeper keeper anga rin theih a ni.