Khawthlang lam, Pakistan atanga thli ro tak tleh avangin India hmarthlang lam – Punjab, Haryana, Chandigarh, Delhi, north Rajasthan, Uttar Pradesh leh Madhya Pradesh hmarthlang lam chu ni hnih a lum hle dawn niin India Meteorological Department chuan nimin khan a sawi.
A lum lai berin a lum dan thin pangngai aia 4.5°C vela lum, 40°C vel ni thei tur angin an sawi.
“Delhi-ah hian June 20 vel thleng hi khua a lum hle thin a. Tun ang huna khaw lo lum leh hi fur lo thlen tlai nghawng a ni ang,” tiin IMD regional forecasting centre hotu, Kuldeep Srivastava chuan a sawi.
Thawhlehni khan Delhi-ah hian kumina a lum ber tum tawngin Safdarjung Observatory-in a chhinchhiah dan chuan 43°C a ni.
Delhi-ah hian furpui hi June 27-ah a thleng chauh a ni.