Ram chhung hmun dang rualin nimin khan Mizoram hmun hrang hrangah National Doctors’ Day pualin hun hman a ni.
Indian Medical Association (IMA) Mizoram State Branch huaihawtin nimin zing khan khan Aizawl khawpui chhungah hriselna an ngaih pawimawhzia lantir nan zingkarah doctor-ten kawng zawhna -Walkathon an nei a, member 102-in he hun hi an hmang.
Chawhma lamah Aizawl bakah district hrang hrang civil hospital-ah te, Zoram Medical College leh Synod Hospital-ah te thisen pek rûnpui an buatsaih a, IMA member 40 chuangin thisen an pe a ni.
IMA Mizoram state- branch chuan Doctors’ Day lawmna leh general body meeting chu nimin tlai khan Aijal club-ah an buatsaih bawk a, he hunah hian doctor eng emaw zat AB-PMJAY programea hnathawk thate leh Covid-19 venna leh enkawlna kawnga nasa taka thawktute chawimawina hun chu health department bultumin hman a ni.
Hei bakah hian scientific seminar an buatsaih a, medical lam thila dan leh hrai chungchang zirhona hun an hmang a, Mizoram State Medical Council Election neih nghal a ni a, member panga thlan chhuah an ni bawk.