Aizawl: Mara Autonomous District Council (MADC) sorkara Deputy CEM HC Lalmalsawma Zasai chuan Ningani zan khan Assam Chief Minister Himanta Biswa Sarma chu a pisa-ah a kawm a. A bikin Mizoram chhim lam atanga Guwahati-a zirlaite harsatna sutkianpui turin a ngen.
HC Lalmalsawma Zasai chuan Assam chief minister hnenah Guwahati hi hmarchhak hmunpui ber a nih avangin Mizorma atang pawhin zirlai tam takin an bawh tih a sawi.
A bikin Mizoram chhim lam atanga zirlaite zingah in luah tur nei zo ve lo harsa ve tak tak an tam avangin hostel leh zirlaite kalkhawmna tur in leh hmun tha tak sak ve theih nan ram ngaihtuahsak turin a ngen a ni.
Assam chief minister hian a secretary hnenah, Autonomous District Council huam chhunga zirlai harsate tana hostel hmun tur, in tha tak sak theihna tur hmun dappuia a rang lama ngaihtuahsak turin a hrilh nghal bawk.
Chief Minister Zoramthanga kaihhruai Mizoram sorkar nen tha taka an thawhdun bakah a tul ang angin inbiain state pahnihte thawhonaah an lungrual thu Assam chief minister hian HC Lalmalsawma Zasai chu a lo hrilh a ni.