Aizawl: Ministry of Commerce (DPIIT) chuan Mizoram chu entrepreneurship lama hmasawnna nei tha state, ‘Emerging Start up Ecosystem’-ah a thlang.
India ram state-te entrepreneurship lama an dinhmun leh hmasawnna tehna, ‘States’ Start up Ranking 2021’ chu nimin khan Ashoka Hotel, New Delhi-ah result puan a ni.
Mizoramin lawmman a dawnna huangah hian Andra Pradesh, Bihar leh Ladakh te nen lawmpuina thu ziak, Certificate of Appreciation a dawng a ni.
Certificate hi Piyush Goyal, Minister of Commerce chuan Mizoram aiawha kal, Dr. Lalrinchhana, Principal Adviser - cum - Addl. Secretary, Planning & Programme Implementation hnenah a hlan a ni.