Kum 38 mi French actor lar Judith Chemla chuan instagram kaltlangin In chhungkhuar kutthlak leh tihnawmnah a nih thin thu thlalak hmangin a phochhuak.
‘Mes freres et moi’ film atanga hriatlar lehzual hian a pasal kut thak a tawrhna hrang hrang vanga a hmel leh taksa peng danga hliam a tawrh dan te a vawrhchhuak a, a pasal hming erawh a tarlang lo thung.
Instagram-ah hian thu a ziak sei angreng a, French tawnga a ziahah, “Kum kalta khan ka hmai ah hliam na tak ka tuar a, ka mit hnuai lam a dik lo bawk. Ka in en vang vang pawhin ka hmel leh lan dan a dik lo fai vek tih ka hrechiang. Kum kaltaa darthlalang hmaa ka in en khan ka hmai leh lan dan hi thup lehzel tul tih lohna ka nei,” a ti.
Chemla chuan a chunga thil thleng thin te thuneitute hnena a thlen chung pawhin action lak emaw chhuizui a ni ngai lo tih pawh sawiin, “A vawi thum nan police-ah ka kal leh ang maw? Kum khat chhungin complaint vawi thum thehluh a ngai ang maw? Keimahin ka tuar tlawk tlawk reng mai dawn em ni ang? Dan chunga lengah a i la inngai reng si ang a? Ka chunga kutthlak thei leh pressure pe reng thei turah a inring te pawh a ni ang,” tiin a ziak bawk.