- Thelma Nanteii Pachuau
Hei hi kan hma hun atân thil pawi heavy bawn lutuk ani tih kan hriat a tha. Zîng nichhuak chu sawi loh, Chawhma lam hmu rêng rêng lo hi an va tam êm..! a hmei a pain..
Online games khelh vânga mengrei hi an tam êm êm mai a. A ram pum anga tehin India ram hi Online games vânga intihlum tamna ber ani hial angemt A atchilh zual zîngah mizoram state a lang pha bawkin ka hria. ram thenkhat intodelh ramten online games hi an hnathawk hah lutuk relax nân ang tak taka khêl ve chauh zâwk an tam a. An hna leh an hrisêlna khawih chhe zâwngin an hmang ve lova. Chhûngkaw nunphung tibuaitu ah an hmang ve lo.
Keini mizoram bîk han thlîr hian. Reilotê kan ei leh bâr lâkluhna kawng a khaihlak pawhin kan buai chhe dêr a.. A chhan chu kan intodelh lo ani.
Tûnhma chuan pitar/putar chak vak lote kha an mu deuh râwt thin a. thalai zîng dar 7 pêla la mu hi chu miin mak an ti hlê zêl a. Tûnah erawh chuan,Tar chaklo ho an thova thalai khum betin an dam thung!! Enge a chhant Timepass leh relax na ang leka hnampui zâwkten an hman thiam online games kha keini chuan hna pui berah kan lo nei a. A hlawh chhuah enge kan hre vek ti r’utt Thatchhiatna/ Mutreina/hrisêl lohna hrang hrang/ retheihna!!
He online games kan tih hrang hrangte hian kan nih tûr min nih phâk tîr lova. Kan khelh tui luatah zân hi a awm lo emaw ti khawpin online games ah kan rilru kan sâwrbing a. Online games kalhmang hrethei lutuk Lehkhazir lama rilru chak miah lo te kan va tam êm! heti taka kan atchilh hi hlawh tal nei ni ila kan hausain kan intodelh ve tûr hi ania..
Zân kan menga, kâwl a êng dáwn ta maw tihah. kan mu ve chher chher a, chawhma kan mu bo thak a. chu mi effect chuan chaw ei tui lohna a thlen a, engmah ei châk mumal lovin,chhûngte mangangin doctor an panpui a, damdawi an lo chawh nghek a. An hnathawh zân men chhun mut kha mihringte nundân tûra Pathianin chhûn leh zân min pêk an hman dik miau loh avângin. Mut tam hlawh ani ber anih chu hrisel lohna chu. Hmâna thalaiten upa an châwmin an âwl thin kha tûnah chuan, Upaten thalai mu reng kha hah takin an cháwm ta zâwk anih hi. Zahthlâk tih nachâng hriat a va hun êm!! I nu leh pa dampui loh hunah che hreawm in va’n ti dâwn êm.. Nu leh paten thu tha kan hrilh theih hun che u hi zâwm ula chuan indam chhûng nî in chhiar nuam zâwk ngei ang.
Nu leh pa thuawih hi damdawi tha êm êm mai leh Doctor tha ber hi a lo ni renga. A chhan chu kan têt tê atangin kan mut hun/kan ei hun, kan taksa mamawh tâwk hnathawhna hun min siam thlap. Kan thanlen dan milin. Kan tâna hmuh theih Pathian an ni rêng a. Mahse, kan damdawi ngeih ber nu leh pa thurâwn chu ngahmah kan ngai lova. khum betin games kan khela thenrualte bula ngawi kur, inlêngte biak nachâng hre si lo. Online games khela a thlun phelh ang zar zar a tawng duh leh si, Eng thlarâu diklo emaw chu kan chang chiang mai! Sim hret hret a va hun êm.. thalai mi â ang maia chhûngte ti ti mil miah lova âu a râk chiam chiam mai kan kawl fur mai che u hi. Tlâwmah lâk nachâng lo hre hrâm teh u. Fapa/fanu râwn tlak neih kan duh. In games âtchilh leh kan tar ât a in nanchin phei chuan tunge in nu leh pate hi chaw pe ta angt Mi â ve ve chu inenkawl tûr bîk awm lovin kan in âu khum hlum thak mai dâwn tihna mi ang.
Hawh teh u, râwlthar duhawmte u, in nih phâk pawh nih tîr theilo tu che u leh, in hrisêlna tichhia a, mi anglo ang maia in bulah tumah awm lo pawha in âu vak vaka, tawng chiam chiam tir thintu che u, online games hi hman dan tawk lo tjiam ula. Lo hlat ngam ula. a hunah muin a hunah han tho siau siau teh u lem.. Tichuan nangmahni avangin nu leh pate kan hahchawl ve thei anga. Pathian malsawmna duhawm tak chuan a hmaih hauh lovang che u.