Premier League club Leeds United chuan RB Leipzig midfielder Tyler Adams chu Pound maktaduai 20 in an lalut.Kum 23 mi United States international hian ram tan vawi 30 a khel tawh a, Elland Road-ah hian kum nga contract a ziak.
Hun engemaw chen atangin Adams hi Leeds United nen sawizawm a ni tawh a. Indawrna an kalpui rei deuh hnuah karleh a Australia a pre-season inbuatsaihna an neih tura tel hman turin an lalut fel.
Adams hi Leeds United coach Jesse Marsch hnuaiah New York Red Bulls leh Leipzig-ah te a lo khel tawh a. Kum 2019 khan Bundesliga club hi panin an tan vawi 101 an inkhel tawh.
Leeds United hian Ningani khan Adams insawnna an tihfel hnuah Feyenoord winger Luis Sinisterra pawh an lakluh fel thu an puang bawk.
Kum 23 mi Colombia winger hian Elland Road-ah kum nga contract a ziak a, season liamta khan Eredivisie-ah Feyenoord tan goal 12 a khung.
Yorkshire khaw club hian Brenden Aaronson, Rasmus Kristensen, Marc Roca leh Darko Gyabi te an lalut tawh.