Premier League kaithar Nottingham Forest chuan German club Mainz atangin French centre-back Moussa Niakhate an lalut.
Kum 26 mi Niakhate hian kum thum contract a ziak a, kum li Mainz-ah a hman hnuah England lam a pan.
France tana Under 19 atanga Under 21 a khel kim vek Niakhate chuan, “England a inkhelh hi ka tan duhthusam a ni a, Nottingham Forest hi chanchin ropui tak nei club an ni.” tiin a club thar a zawm hnuah a sawi.
Defender palian hi vei khawr a nih bakah tlarhnung atanga ball la chhuak tura tlanpui emaw ball sem a thiam avangin tunlai team te ngaihven hlawh zingah a tel a. Mainz tan hian kum li chhungin match 135 a khel a, ball kangah hlauhawm bawkin goal 9 a khung hman.