India rama furpui kal mekah weather department chuan inralrinna dar hmun tam takah a khawng ri a, ruah a tam dawn.
Karnataka vaukam hrulte chuan Thawhlehni leh Nilainiah hian ruah tam tak an dawng ang.
Andhra Pradesh leh Telangana-ah Thawhtanniah ruah tam tak a sur dawn.
Madhya Pradesh khawthlang leh Odisha hmun thenkhatin Thawhlehni leh Nilaini hian ruah an dawng dawn bawk.
Gujarat vaukam hrula awmte chuan Pathianni bakah Thawhlehni leh Nilaini hian ruahpui vanawn an dawng dawn a. Maharashtra-ah pawh ni hnih lo awm tur chhungin ruah a sur teuh dawn bawk.
Himachal Pradesh leh Uttarakhand chuan Nilaini thleng ruah an la dawng dawn a. Himachal-ah hian Thawhtanniah hian ruah tam vak lo an dawng thung ang.
Rajasthan khawthlang lamte chuan Thawhtanniah hian ruah an dawng teuh dawn a, khawchhak lamte chuan Thawhtanni atanga Nilaini thleng ruah tam tak an dawng dawn a. Pathianniah pawh khan khawchhak lamte hian ruah tam tak an lo dawng tawh bawk.