Aizawl: Siaha district bawrhsap, Lalsangliana chuan Inrinni khan Iana (Ainak) leh Siasi khuate tlawh lehin Siaha district chhunga khaw awm zawng zawng a tlawh chhuak kim ta.
Lalsangliana hian February 8 khan Siaha district-ah bawrhsapin a awm tan a. Siaha district-a a awm veleha thil tih tum hmasa ber chu Siaha khaw chhunga Mizoram sorkar hnuaia office zawng zawng tlawh chhuah veka Head of Office leh an staff-te hnena inhmelhriattira an office theuhte hmalak mek leh harsatna te hriatpuia, an harsatnate chu Aizawla an department hotu theuhte hnena thlensak a ni.
Ni li chhungin khaw chhunga sorkar pisa tlawh chhuak vekin district chhunga khaw 48-te chu tlawh chhuak vek tumin a chhuak leh a. 12th MADC General Election-in tihkhaihlak deuh mah se Inrinni khan a tlawh chhuak kim vek ta ni.
DC hian thingtlang khua zawng zawng tlawh chhuak tur hian tum kua lai a zin chhuak a ni.