Serie A club Juventus chuan Angel Di Maria chu free transfer in an lalut fel a. An hnenah kum khat contract a ziak.
Argentina winger hian Paris Saint-Germain a contract a hman zawh hnuah France a chhuahsan a. Barcelona nen pawh sawizawm niin Spain lama kir leh hreh lo mahse Spanish club nen indawrna a kal thui thei lova. Serie A a inkhelh a thlang ta zawk.
Juventus-ah hian Di Maria hian kum khat contract a ziak a, nakkum nipuiah an ramah a kir ang. Inbiakna an neih rei chhan pawh hei vang hi niin Juventus lamin hun rei zawk chelh duh mahse season khat hnuah a bul tanna club Rosario Central a kir leh a duh.
“Rosario Central nen kan inbe lo, mahse kan tumdan a la ni rih. Europe a hlawhtlin hi mi zawng zawng duhthusam a ni a, ka hlen tawh. Kir leh ka duh a, mahse World Cup a awm avangin Argentina ah chuan River Plate emaw Boca Juniors a nih loh chuan ram tana khel tura koh nih a har.” a ti.
Hetihlai hian France midfielder Paul Pogba pawhin Inrinni khan Turin khawpui a thleng tawh a. Nimin khan a club hluiah hian a insawnna tifel turin an awm a. Manchester United atanga kum khata Pound maktaduai 15 vel hlawh Pogba hian Pound maktaduai 20 vel hlawh tura contract thar a phut chu United in an pek duh loh avangin Juventus a pan a, Italy-ah hian Pound maktaduai 8.5 vel kum khatah a hlawh ang.