LBS Suzuki Inter Village Football Tournament round of 16 chu Inrinni khan khelh tan a ni a. Khelmual pahnih atang match paruk khelh a ni a, heng zinga pali ah chak turin penalty pet a ngai.
Lammualah inkhel pathumah penalty pet a ngai vek a. An inkhelh hmasa pahnih a penalty shootout chakpui tawh Vaivakawnin a lungthu kim nan tie-breaker an hmang thei lova. Goal inpe lova Champhai Kanan VC nen an inkhelh hnuah 5-4 in penalty-ah an tlawm.
Team tha Lengpui VC in Seling hneh turin penalty an mmaawh ve bawk a. 1-1 a an inhnehtawk hnuah 3-2 in an chak zui a. Republic Veng pawhin Lungdai 4-3 in penalty hmangin an hneh.
Rajiv Gandhi Stadium lamah Sialhawk an kheltha chhunzawm zel a. Mamit Jt. VC 3-0 in an hneh a. Player naupang zawkte state pawn a khel player tawnhriat neitha an neihten an kaihruai tha.
Hnahthial Jt. VC chu huntawp dawnah goal hnih khungin 2-1 in Khawzawl Vengthar lakah an ‘comeback’ a. Inkhel hmasa berah Farkawn in Salem Veng penalty in an hneh.June 9, 2022 Inrinni inkhel result
Round of 16
AR Lammual
10:00 AM Seling VC 1-1 Lengpui VC
(F.Lalhmangaihzuala 41′) (Lalremsanga 2′)
(Penalty shoot-out-ah Lengpui VC te 3-2 in an chak)
12:00 PM Republic Veng LC 1-1 Lungdai VC
(Lalhriatpuia 4′) (Lalbiakmuana 2′)
(Penalty Shoot-out-ah Republic Veng LC 4-3 in an chak)
02:00 PM Vaivakawn LC 0-0 Champhai Kanan VC
(Penalty Shoot-Out-ah Champhai Kanan VC 5-4 in an chak)
RG Stadium
10:00 PM Salem Veng LC 1-1 Farkawn VC
(Vanlalngheta’ 90+6) ( Ramnunpuia,’ 6′ )
(Farkawn VC Penalty shoot-out-ah 4-3 in an chak)
12:00 PM Mamit Jt VC 0-3 Sialhawk VC
(R. Laldanmawia 30′, Rotluangliana 32′, Vanlalduata, 90+2′)
02:00 PM Khawzawl Vengthar VC 1-2 Hnahthial Jt. VC
(David Lalsangpuia 22′) (Lalrintluanga’ 80′, K. Lalrinfela 85′)
Vawiin inkhel tur:
Round of 16
AR Lammual
11:00 AM Armed Veng South LC vs Bungkawn LC
01:00 PM Ramhlun North LC vs Thenzawl West VC