ZEI TAKA LO HMUAH: Hnathawhna atanga a lo haw-in, hlim tak leh duhawm takin lo hmuak la, chiau-au thin ang che. Ei tur tui tak, in chhung thianghlim leh fel fai tak, rim tui bawk siin lo hmuak la, sexy ve deuh hleka i lo awm pawh kha a chauhna zawng zawng um bo thei tu a ni tlat mai a, engnge maw a pawina le? Engnge lo thleng thlir rawh le.
THUP TUR CHIN HRIAT: I pasal hriat ve atana tul (ngai) kher lova i hriat chuan hrilh kher duh suh. Mipate hi buaina leh harsatna chingfeltu turte an ni a, chutih laiin hmeichhia te erawh buaina leh harsatna sawi nuam ti tak an ni thung. A dik em? I pasal kha a chau a, i thusawi a ngaihsak tehchiam lova, a bengkhawn lem lo anih bawk chuan barhluih emaw sawi pui chiam tum lo mai la, hun remchang melh zawk rawh.
HUN AWL A DUH VE THO:
Ama puala hun awl leh hmun awl a neih theihnan remchanna siam sak thin la. Hetianga hrethiam tak chunga i thlahfalna thin hi a hre rei khawp ang. I lakah lawmthu sawisen lohnen a lo kir leh ngei ang. Tichuan, i thiante, i unau te leh nu te nena hun inhman pawhin a sawi buai ngai lovanga, hriatthiamna zau tak a nei zawk dawn a lo ni.
A TAK HMANGAIHNA: Engzata tam pawh sum la lut se, an induhtawkna nen hian an sum lakluh zat hi in ‘hen’ tawk se an ti fo thin. Thlamuang leh hahdam taka i awm theihnana rim taka hna a thawhna leh taimakna te hi hriat pui mai lovin, sawi la, hrilh fo ang che. A theih leh remchan dan ang angin puih tum la, computer a chian lohin, a bulah a tul leh mamawh a lam theihnan awm pui la, pipe a chhiat-in, lo vawn pui bawk la. Nakinah a puihna i la mamawh ngei ngei dawn a sin. A nupui i nih vang mai ni lovin, tanpui tlak leh mamawh i nihna hi hrethiam chungin phunnawi miah lovin a pui bawrh bawrh ang che.
A NIHNA ANG ANGIN:
A chhungte leh a nu leh pa, a unaute leh a chipuite tan thian tha leh duhawm tak i ni lo mai thei. I pasal bulah hian kum tam tak an lo tal tawh a, chuvang chuan he inbeihnaah hian hnehna i chang thei lo. I chang ngai bawk lovang.
I tih tur leh hmalakna hmasak ber tur chu- pawm thiam dan ngaihtuah la, a nih na ang angin pawm mai rawh. A him ber tih ringhlel bawk suh ang che. Beih let ve emaw, an inkara hêm thlak a, harsatna thlentu nih ai chuan thatnaa thungrulh hi khuarei ah a tlova, a in-chhirawm loh ber bawk.