Kum kalta 2021-2022 khan Lunglei district-ah MGNREGS job card nei te account-ah Rs. nuai 7,045 thun a ni a. Lunglei district huamchhunga block pathum – Lunglei, Bunghmun leh Lungsen-ah te 2021-22 chhungin ni 96 inhlawhna siam a ni.
Lunglei district development coordination and monitoring committee thutkhawmah he thu hi tarlan a ni a. MGNREGS hnuaiah hna chi hrang hrang 3283 thawh zawh tawh niin, thawh mek 378 a awm bawk.
Mizoram state rural livelihoods mission (MzSRLM) Lunglei district-ah self help group 726 awm mekin, Lunglei block-ah 162, Bunghmun bloc-ah 224 leh Lungsen block-ah 340 te an ni a. Village organization 56 - Lunglei block–ah 16, Bunghmun block–ah 22 leh Lungsen block-ah 18 te an awm mek.
Self help group member 2433 an awm mek a. MzSRLM hnuaiah training chi hrang hrang – General duty assistant, hospitality management, DDEO, retail sales, tailoring leh airline cabin crew te neih thin a ni.
Lunglei district-a PWD division pathum - Tlabung division, Lunglei road division I leh Lunglei road division II hnuaia PMGSY kawng siam hna 32 awm zingah 11 zawhfel tawh niin, kumin September-ah 27 zawhfel hman beisei a ni.
BPL chhungkua ten gas connection an neih theihna scheme PMUY hnuaiah Lunglei district-ah hian beneficiary chhungkaw 7563 an awm tawh a. Kum upa pension IGNOAPS beneficiary 5111, widow pension scheme beneficiary 376 awm mekin, rualbanlo beneficiary 143 an awm mek.
Lunglei district-ah school 451 atangin mid day meal beneficiary zirlai 22,357 an awm mek a, school naupang 12,908 hnenah uniform leina (free uniform scheme) Rs. 600 zelin Rs. 77,44, 800 semchhuah a ni a, zirlai 18156 hnenah a thlawna zirlaibu sem tawh a ni tawh.
School 114 ah Sanitary vending machine cum incinerator sem tawh a ni a. ICDS hnuaiah Lunglei district-ah Anganwadi 418 awm mekin, naupang kum 3 hnuailam beneficiary 8785 awmin, naupang kum 3 atanga kum 6 inkar beneficiary 8646 an awm bawk a ni.