Barcelona chuan Leeds United in Brazil winger Raphinha, 25, man atana Pound maktaduai 65 an beisei chu ngam an remti a, tuna an ngaih pawimawh leh tur chu Manchester United hnena Netherlands midfielder Frenkie de Jong, 25, hralh fel a ni. (Mirror)
Chelsea chuan Raphinha inchuhnaah Barcelona hnunga an awm avangin kum 26 mi Bayern Munich leh Germany forward Serge Gnabry lam an hawi dawn. (Daily Mail)
Leicester City leh Belgium midfielder Youri Tielemans, 25, leh Wolves a khel Portuguese midfielder Ruben Neves, 25, te chu De Jong an lakluh theih loh chuan Manchester United in an ngaihven ang. (Talksport)
Manchester United chief executive Richard Arnold chuan an Portugal forward Cristiano Ronaldo, 37, chhuah a dilna sut leh turin hmun a tum mek. (Times)
United hian Stuttgart atangin kum 25 mi Austria striker Sasa Kalajdzic chu lakluh tumin an ngaihven. (Sky Germany)
France forward Ousmane Dembele chuan Barcelona-ah contract hmang zo tawh mahse kum 25 mi hian kum 2024 thleng Nou Camp a cham turin contract a ziah belh hnai. (Marca)
Juventus leh AS Roma te chuan Arsenal midfielder Lucas Torreira chu season liamta a Fiorentina in a nghet a an lei loh avangin tun nipuiah kum 26 mi Uruguay international hi an ngaihven. (Evening Standard)
Juventus leh Inter Milan in an inchuh Torino defender Gleison Bremer chu Euro maktaduai 50 aia tlema an hralh loh tur thu club president in a sawi. (Goal)
Newcastle United chuan an club chanchin a player manto ber ni turin Swedish striker Alexander Isak chu Real Sociedad atanga lakluh an tum. (Telegraph)