Formula 1 race director hlui Michael Masi chuan motor intlansiakna sang dan kengkawhtu FIA a chhuahsan fel.
Masi hi kum 2021 season tawp ni a drivers’ leh constructor’s world title inchuhna chinfel kawnga thutlukna sawihlawh tak siamtu kha a ni a. Intlansiak hnuhnung ber Abu Dhabi Grand Prix a thil thleng chu FIA in a zirchian hnuah dan dinglai chu a hman dan tur angin a hmang lo tih hmuhchhuah a ni a. Hei vang hian race director atangin an thlak.
FIA chuan, “Masi hian FIA chhuahsan a, a chhungkaw bula hun tam zawk a hman theih nan leh chona thar hmachhawn turin Australia a kir a thlang.” tiin an sawi.
Kum 2019 a Charlie Whiting thih hnua race director mawhphurhna la zuitu Masi hianYas Marina-ah a thutlukna siam avangin Red Bull car khalhtu Max Verstappen chu world champion a nih theih phah a. Thutlukna siam danah dan ang thlapa a kalhmang tur a zawm loh avangin FIA in an inrelbawl dan an thlak phah.