Schalke winger Rabbi Matondo chuan Scottish club Rangers chu kum li chhung atan a zawm.
Kum 21 mi Wales winger man zat hi puanzar a ni lova. Kum 2019 khan Schalke hi zawmin season liamta khan Belgian club Cercle Brugge tan loan in a khel a. Match 27 atangin goal 10 a khung.
Hemi hma hian England-ah Stoke City tan a khel tawh thin a. Ram tan vawi 11 a inkhel tawh bawk.
Rangers manager Giovanni van Bronckhorst chuan, “Kar hmasa khan kan tlarhma tihchak ka duh thu ka sawi tawh a. Rabbi hi chutiang tur tak chu a nih theih kan zavaiin kan ring.” tiin a sawi.