India rama puitling chin zawng zawngte hnenah ni 75 lo awm leh tur chhung hian a thlawnin coronavirus vaccine booster dose pek vek tum an ni tih Nilaini khan sorkarin a puang.
Dose thumna hi India-in zalenna a neih champha kum 75-na lawmna kal mek, ‘Azadi Ka Amrit Mahotsav’ kal mek pualin ni 75 lo awm leh tur chhung hian pek tumna hi ruahman a ni.
Tunah hian India ramah hian kum 18 leh 59 inkarte zingah dose thumna hi mi vaibelchhe 77 la thei awm zingah 1% emaw vel chauhvin an la la a ni.
Hetih lai hian kum 60 chin chung lam, damdawi ina thawk leh hri leng beihnaa a hmatawnga thawk la thei mi vaibelchhe 16 zinga 26% vel chuan an la tawh tih news agency PTI chuan a tar lang.
Union health ministry chuan kar hmasa khan dose hnihna leh booster dose lak inkar hi tizimin chawlhkar kua ni thin chu chawlhkar rukah a titlem a ni.