Manchester United in manager thar Erik ten Hag hnuaiah hnehna changin bul an tan a. Liverpool nen season thar inbuatsaihna atan Bangkok-ah friendly match khelin 4-0 in an chak.
Friendly inkhel a ni a, team pahnihten training an zawm leh atanga inkhel hmasa ber a ni. Hei vang hian inkhel awmze nei lo a ni tih a chiang, mahse United leh Liverpool inkhel hi ngaihven a hlawh reng tho.
Kar khat a training lo nei rei tawh zawk United in first team player tam zawk ringin bul an tan a. minute 33 chhungin Jadon Sancho, Fred leh Anthony Martial ten an khung.
Red Devils hi second half-ah an inthlak vek a, lehlamah Liverpool in minute 30 danah team an thlak hlawk hlawk thung.
A tawp dawnah an first team rinrawlte dah lut mahse goal an khung lova, United rawlthar rual inkhelin goal khung zawkin Facundo Pellistri chuan goal a khung belh.
United hian naktuk chawhnuah Australia-ah Melbourve Victory an khel leh anga. Liverpool in Singapore-ah Crystal Palace an tum ve thung ang.