Dan dik lova lut ngaimawh a hun hle a ni
Nilaini atang khan lirtheia eizawng Champhai District Lirthei Inzawmkhawm Pawl (CPDLIP) te chuan an lo sawi tawh angin dan lova Mizorama lo lut bungraw hrang hrangte an dang tan a, chhunzawm zel atan pawh a tha awm e.
Kan hriat angin khawchhak atangin bungraw thahnem tak a rawn lut a, tualchhung mai bakah kan ram atanga thilsiamte aiin thenkhat phei chu a tlawm zawk hial. Hemi a nih avang hian sumdawng tam takin a hlawkna a tel a, kan ram sorkar tan eng chhiah mah lak hleih theih a nih miau loh avangin mi tam tak tan eizawnna tling a nih phah hial! Chutih rual erawh chuan dan lo a ni tih erawh kan hriatreng a tul awm e.
Kartir lama CPDLIP President Liantluanga sawi danin, Champhai district chu Myanmar trade-a awm an ni a, chunga a zar an zo theihna ber chu kuhva a nih thu a sawi a, hetihlai hian mi thenkhatin mipui thinlungah kuhva chu thil sual ber angin an chhuah tiin, mi tam tak eizawnna tih chhiat a nih mek thu a sawi a; hei hi nawrh an huaihawt chhan pakhat pawh a ni bawk.
Kuhva kher lovah pawh dan dik lova lo lut a tam miau avang hian theihtawp chhuah zel mai se la, dan dik lo a lo lut tih rehna remchangah hmang hlauh thei ila a va duhawm em.