- Ruata
Hyundai SUV changkang Tucson chu a chi thar 2022 Hyundai Tucson chu phochhuah a ni ta a, August 4 ah lei theih turin an tlangzarh dawn a, a hnu deuhah delivery chu an kalpui dawn a ni.
2022 Hyundai Tucson hian a elpui tur chu Jeep Compass leh Citroen C5 Aircross te ho a ni dawn a, he SUV hi Hyundai Creta leh Alcazar te chung leh hret a ni a. Tata Harrier, MG Hector leh Mahindra XUV700 a a top class ho te nen pawh a inel thei dawn a ni.
A khawl leh thildang
Tucson thar hian khawl chi hnih – 2.0-litre 4-cylinder naturally-aspirated petrol leh 2.0-litre VGT turbo diesel te a nei dawn a. Petrol hian 156PS power chu 6,200rpm-ah a pechhuak thei a, 192Nm torque chu 4,500rpm-ah a pechhuak thei bawk a ni. Hei hian transmission lamah 6-speed torque convertor automatic gearbox a hmang dawn a ni.
Diesel khawl hian 186PS power chu 4,000rpm-ah a pechhuak thei a, 416Nm torque chu 2,000-2,750rpm-ah a pechhuak thei bawk a, 8-speed automatic gearbox a nei bawk a ni. Suspension lamah chuan a hmalamah McPherson Strut leh a hnunglamah Multi-Link with Coil spring a hmang a. He SUV hian HTRAC all-wheel drive (AWD) system, Multi Terrain Modes – Snow, Mud leh Sand awm tel a nei dawn a. Hyundai lirthei thara kan hmuh fo ‘Sensuous Sportiness’ design language chu 2022 Tucson ah hian kan hmu bawk a ni.
A kentel
Hyundai chuan Tucson hian a elpui te nena khaikhinin kentel thil thar hlak 29 a nei tih an sawi a. Heng zingah hian Home-To-Car function with Alexa & Google Voice Assistant (Hindi & English language), remote engine start with smart key, multi air mode, bose premium sound 8-speaker system, door pocket lighting & passenger seat walk-in device, ADAS (Advanced Driver Assistant System) with 16 features, forward collision warning (FCW), forward collision-avoidance assist for car, pedestrian, cycle & junction turning, lane keeping assist (LKA), lane departure warning, blind-spot collision – avoidance assist (BCA), safe exit warning (SEW), leading vehicle departure alert (LVDA), high-beam assist (HBA), smart cruise control with Stop & GO, lane following assist (LFA), rear-cross traffic collision warning, rear cross traffic collision avoidance assist leh blind-spot view monitor te a nei dawn a, a changkang dawn viau a ni.
Himna lamah pawh 6 airbags (dual front, side & curtain airbags), front and rear parking sensors, electronic stability control, hill descent control, hill assist control, all disc brakes leh blind-spot view monitor te a awm dawn bawk a ni.
A lenzawng leh thildang
Hyundai Tucson hi a sei zawng, hlai zawng leh a san zawng hi a indawt dan hian 4,630mm, 1,865mm leh 1,665mm a ni a, a wheelbase hi 2,755mm a ni. A hmaa chhuak nena khaikhinin Tucson hi 150mm in a sei zawk a, 15mm in a hlai a, 5mm in a sang zawk bawk a. 85mm in a wheelbase hi a sei zawk a ni. Hemi awmzia chu a hma aiin a chhung hi zau daih dawn a ni.
A chhung
Tucson thar hian cabin leh a chhunga a hmanraw changkang ken tel te hi a thar diai a ni a. A chhungah hian dual-tone premium black and light grey colour scheme kan hmu a. 4-spoke steering wheel thar, leather seat, soft touch door panels, 64 color ambient lighting, 10.25-inch floating type digital instrument cluster, turn-by-turn navigation, parking sensor display, drive mode select – Normal, Eco, Sport & Smart, Multi-Terrain modes – Snow, Mud and Sand te a awm a. Hei bakah hian dual zone fully automatic temperature control with auto defogger, front ventilated & heated seats, voice enabled smart panoramic sunroof, Bose premium sound 8-speaker system, hands free smart power tail-gate with height adjustment, electrically adjustable driver’s seat with memory function, electric parking brake, wireless phone charger, rain sensing wipers, remote engine start & smart key, advanced 10.25-inch HD touchscreen infotainment system with Android Auto & Apple CarPlay, voice commands support leh Hyundai Bluelink connected car technology a nei bawk a ni.