Aizawl : All NGO Jt. committee, Khawruhlianin an khaw hnuaia kawng laih thar (NH 150) min-in an khaw luh leh chhuahna kawng a tihchhiat avanga harsatna an tawh nasat thu an sawi a. Tun thla chhunga motor kaltlang theiha siam a nih loh chuan national highway danpin an tum thu an sawi.
Khawruhliana VC, jt YMA, YMA, MHIP leh MUP branch pahnih theuh leh MZP sub-hqrs te telna all NGO jt committee chuan an khaw paltlang kawngpui, chhim leh hmar lam atanga lirtheia an khaw luh leh chhuahna chu July ni 31, 2022 ralhmaa lirthei eng chi pawh kal theiha siamthat leh a nih loh chuan August ni 1, 2022 atangin NH 150 Khawruhlian ram kaltlang chu tiamchin awm lova dan an tum thu an sawi a ni.
All NGO joint committee, Khawruhlian chuan an harsatna tawh mek hriatthiampuia, chak taka hmalak pui tura thuneitute an ngen thu an sawi bawk.