Banker’s Institute of Rural Development (BIRD), Kolkata leh Mizoram Rural Bank (MRB) tangkawpin MRB hnuaia officer-te tana ni thum chhung awh tur training an buatsaih chu nimin khan neih tan a ni.
Training hi MRB Head Office, MINECO-ah neih a ni a, hawnna inkhawmah hian Joint Director BIRD, Kolkata, General Manager MRB leh Officer in-Charge, NABARD Regional Office aiawhten thu an sawi a, MRB Branch hrang hranga manager 24-te an training a ni.
BIRD, Kolkata hian India ram chhak lam leh hmarchhak lam state hrang hrang a, commercial bank, regional rural bank, cooperative bank, government organization leh NGO te hnenah training a pe thin a, MRB nena inremna thuthlung ziakin mahni state chhungah ngei zirtirna pe tur leh a tul anga thawhhona huang, zauh zel turin rem an ruat a ni.