Milwaukee Bucks All-Star forward Khris Middleton chuan tun thla tir khan a banrek veilam a hliam a neih chu a zai tir a. Regular season tharah dam taka a inkhelh hman an beisei.
Thla thar a kum 31 tling tur Middleton hian season liamta khan game 66 khelin 20.1 points average a nei a. 5.4 ve ve rebounds leh assist average a nei ve thung a, a vawi thum nan All-Star a thlan a ni.
Nimahsela NBA Playoffs-ah Milwaukee inkhel hnuhnung 10-ah khup hliam avangin a khel ve thei lova. Bucks in Giannis Antetokounmpo thlawp bertu an neih loh an tuar. a, second round-ah Eastern Conference champion Boston Celtics lakah an tlawm.
A hliam zai tir hi tun season a harsatna a lo neih tawhna a ni a, season chawlhlai a zai turin remchang an la.
Hetihlai hian Bucks hian guard Pat Connaughton chu kum thum contract an ziahpui a, Dollar maktaduai 28.5 man hu niin a belhkhawmin Bucks-ah kum li a nei tihna a ni.