Rapper lar Doja Cat a che fuh lo. ‘Stranger Things’ star Noah Schnapp fan te’n beihrawnin, online katlanga an pahniha an inbakkaih hnu ah Dojat hian social media-ah follower nuai 2 vel a hloh nghal.
Doja hian Noah chanpui Joseph Quinn chu a duhzawng tak a nih thu a sawi a, horror drama show-a ‘Eddie Munson’ anga inlan a star thu phochhuah a ni ta a, rin loh leh beisei loh lam atangin a vuaklet a tuar ta a ni.
An private chat tlangzarh hluai anih hnu hian Doja-i’n thu lawmawm loh leh ngaihthlak hrehawm a dawng chho nghal mawlh mawlh. Social media-a thu leh hla hmanga beih duhtawk mai lovin, an chhuahsan zut zut ta a ni ber.
‘Kiss Me More’ hit puitu hian Noah nena an inhnialbuaina a darh hnu reilote ah Instagaram-a follower nuai 2 vel zet a chân a ni. A thiam leh dik zawk sawi harsa mah se, actor zawk hi a vannei ta.
Hetih lai hian, actor Noah a vannei hlauh thung a, an pahniha buaina an neih hnu-ah follower maktaduai khat dawn a neih belh thung.