BJP Mizoram Pradesh President Vanlalhmuaka chuan Mizoramah BJP-in sorkarna an chang a nih chuan Farmer Producers Organisation (FPO) kaltlangin kut hnathawktute tan kawl a êng dawn tih a sawi.
Nimina an party pisa-a political session neihah thu sawiin kut hnathawktute tan sorkar laipui chuan kawng zau tak hawnin, FPO kaltlang hian Mizoram hmun hran hranah member 500 thlai chinna tur atana ram nei intelkhawmte chuan ti thei mah se, tun hunah Mizoramah erawh FPO kaltlanga hmalakna hi a zui ral tih sawiin, “BJP hian Mizoramah sorkarna kan chang a nih chuan FPO kaltlang ringawt pawh hian nasa takin kut hnathawktuten hma kan sawn nasa hle dawn a, Mizorama farmer-te tan kawl a êng dawn a ni,” a ti.
Vanlalhmuaka hian FPO kalphungah chuan state sorkarah sum loin kut hnathawktute hnena a luh avangin BJP sorkar lohna state-ah chuan an kalpui tha duh lo tlangpui a; chuvangin, Mizorama farmer-te hian tuna an thlai thar tam tak eng chi-ah pawh harsatna an neih ang hi FPO kaltlanga sutkian a nih dawn avangin, thlai thar leina tur budget-a dah pawh ngai loin direct-in an thawhrah hi an seng thei tawh dawn tih a sawi.