Asian American actress Constance Wu chuan 2019 kum khan intihhlum tumin a bei hman, a ti.
Series thar, ‘Fress Off The Boat’ tihthar tum a nih thu a sawi hnu-a social media-a a vuatlet leh sawichhiatna, diriamna te bakah nasa taka beihna tawk nghalin, khawvel chhuahsan mai tumin rilru a siam fel hman niin a sawi.
‘Crazy Rich Asian’ star lar ni bawk hian mental health chungchanga buaina a tawh hi kum thum hnu-ah twitter kaltlangin a puangchhuak.
“Dam khawchhuah inthlahrun ngawih ngawihna rilru thlengin ka pu hman a, ka tel lo paw’n khawvel hi a kal mup mup thei tih ka hrechiang a, message ka dawn tuk tuk te khan dam chakna leh thlakhlelhna min umbosak c hiang hle. Mahse, vanneihthlak takin, thianthate an che rang hlauh a, chuti ni lo se, ka dam chhuak zo lo hrim hrim,” a ti.
Hetih hun lai vela a beidawnna leh manganna te chu a ngai ngaiin twitter-ah hian ziakin a la dah tha vek a, “Tunah tak hian ka va’n beidawng tak em! Ka tap zawih zawih ni a ni deuh mai.. Uh. ‘F**k’ tih te chu a langsar.
Constance Wu hian boruak rit tak vaikian nan tiin hun eng emaw chen chu social media a bansan a, mental health lamah rilru a sawrbing hial a ni.